நீங்கள் தேடியது "இந்தியா வெஸ்ட் இண்டீஸ் கிரிக்கெட்"

இந்தியா - வெஸ்ட் இண்டீஸ் அணிகளுக்கு இடையிலான டெஸ்ட் மற்றும் ஒருநாள் கிரிக்கெட் தொடர் முடிந்துள்ள நிலையில் மூன்று போட்டிகள் கொண்ட டி20 கிரிக்கெட் தொடர் இன்று கொல்கத்தாவில் தொடங்கியது.

இந்திய அணி கேப்டன் ரோகித் சர்மா டாஸ் வென்று பந்து வீச்சு தெர்வு செய்தார். இந்திய அணியில் குருணால் பாண்டியா, கலீல் அஹமது ஆகியோர் அறிமுகமானார்கள். புவனேஸ்வர் குமார் அணியில் இடம்பெறவில்லை.

இந்திய அணியில் இடம்பிடித்துள்ள வீரர்கள் விவரம்:-

1. ரோகித் (கேப்டன்), 2. ஷிகர் தவான், 3. கேஎல் ராகுல், 4. ரிஷப் பந்த் (விக்கெட் கீப்பர்), 5. மணிஷ் பாண்டே, 6. தினேஷ் கார்த்திக், 7. குருணால் பாண்டியா, 8. குல்தீப் யாதவ், 9. உமேஷ் யாதவ் 10. பும்ரா, 11. கலீல் அஹமது.

வெஸ்ட் இண்டீஸ் அணியில் இடம்பிடித்துள்ள வீரர்கள் விவரம்:-

1. ஷாய் ஹோப், 2. ராம்தின், 3. ஹெட்மையர், 4. பொல்லார்டு, 5. டேரன் பிராவோ, 6.  ரோப்மேன் பெவோல், 7. பிராத்வைட், 8. ஆலன், 9. கீமோ பால், 10. பியர், 11. தாமஸ்.

ஷாய் ஹோப், ராம்தின் ஆகியோர் தொடக்க வீரர்களாக களம் இறங்கினார்கள். வெஸ்ட் இண்டீஸ் முதல் இரண்டு ஓவரில் தலா 8 ரன்கள் அடித்தது. இதனால் அதிக ரன்கள் குவிக்கும் என்று எதிர்பார்க்கப்பட்டது. ஆனால் உமேஷ் யாதவ் வீசிய 3-வது ஓவரின் முதல் பந்தில் ராம்தின் 2 ரன்கள் எடுத்த நிலையில் ஆட்டமிழந்தார். அடுத்து அதிரடி வீரர் ஹெட்மையர் களம் இறங்கினார். அணியின் ஸ்கோர் 22 ரன்னாக இருக்கும்போது ஷாய் ஹோப் 14 ரன்கள் எடுத்த நிலையில் ரன்அவுட் ஆனார். 28 ரன்கள் இருக்கும்போது ஹெட்மையர் பும்ரா பந்தில் ஆட்டமிழந்தார்.



அதன்பின் வெஸ்ட் இண்டீஸ் அணியின் ஸ்கோர் தவழ ஆரம்பித்தது. பொல்லார்டு 14 ரன்னிலும், டேரன் பிராவோ 5 ரன்னிலும், ரோவ்மேன் பொவேல் 4 ரன்னிலும், பிராத்வைட் 4 ரன்னிலும் வேளியேறினார்கள். குருணால் பாண்டியா அறிமுக போட்டியில் 4 ஓவர்கள் வீசி 15 ரன்கள் மட்டுமே விட்டுக்கொடுத்து பொல்லார்டை வீழ்த்தினார். குல்தீப் யாதவ் 4 ஒவரில் 13 ரன்கள் விட்டுக்கொடுத்து 3 விக்கெட்டுக்கள் கைப்பற்றினார்.

8-வது வீரரா களம் இறங்கிய ஆலன் 20 பந்தில் 27 ரன்கள் அடிக்க வெஸ்ட் இண்டீஸ் 20 ஓவரில் 8 விக்கெட் இழப்பிற்கு 109 ரன்கள் எடுத்தது. இதனால் இந்தியாவின் வெற்றிக்கு 110 ரன்கள் இலக்காக நிர்ணயித்துள்ளது.

இந்தியா - வெஸ்ட் இண்டீஸ் அணிகள் மோதும் முதல் 20 ஓவர் கிரிக்கெட் போட்டி கொல்கத்தா ஈடன் கார்டன் மைதானத்தில் இன்று இரவு 7 மணிக்கு தொடங்குகிறது. இந்திய அணி ஏற்கனவே டெஸ்ட் தொடரை 2-0 என்ற கணக்கிலும், ஒருநாள் தொடரை 3-1 என்ற கணக்கிலும் கைப்பற்றி இருந்தது.

இதேபோல் 20 ஓவர் தொடரையும் இந்திய அணி கைப்பற்றுமா? என்று ஆவலுடன் எதிர்பார்க்கப்படுகிறது. கோலிக்கு ஓய்வு கொடுக்கப்பட்டுள்ளதால் ரோகித் சர்மா அணியை வழி நடத்துகிறார். டோனி நீக்கப்பட்டதால் அவர் இடத்தில் ரிசப்பண்ட் விளையாடுவார்.

3 போட்டிக்கொண்ட இந்த 20 ஓவர் தொடரில் ரோகித் சர்மா புதிய சாதனை படைப்பாரா? என்று ஆவலுடன் எதிர்பார்க்கப்படுகிறது.

20 ஓவர் சர்வதேச போட்டியில் அதிக ரன் எடுத்துள்ளவர் மார்டின் கப்தில். நியூசிலாந்தை சேர்ந்த அவர் 73 இன்னிங்சில் 2271 ரன் எடுத்துள்ளார். சராசரி 34.40 ஆகும். இரண்டு சதமும், 14 அரை சதமும் அடித்துள்ளார். அதிகபட்சமாக 105 ரன் எடுத்துள்ளார்.

ரோகித் சர்மா 77 இன்னிங்சில் 2086 ரன் எடுத்து 5-வது இடத்தில் உள்ளார். சராசரி 32.59 ஆகும். 3 சதமும், 15 அரை சதமும் எடுத்துள்ளார். அதிகபட்சமாக 118 ரன் குவித்துள்ளார்.



கப்திலின் சாதனையை முறியடித்து புதிய சாதனை நிகழ்த்த ரோகித் சர்மாவுக்கு 186 ரன்களே தேவை. தொடக்க வீரரான அவர் தற்போது நல்ல நிலையில் இருக்கிறார். வெஸ்ட் இண்டீஸ்க்கு எதிரான ஒருநாள் போட்டித் தொடரில் ரோகித் சர்மா 389 ரன்கள் குவித்து 2-வது இடத்தை பிடித்தார்.

மேலும் வீராட் கோலி 20 ஓவர் தொடரில் ஆடாததால் அவருக்கு நல்ல வாய்ப்பு இருக்கிறது. கோலி 20 ஓவர் ஆட்டத்தில் 2102 ரன் எடுத்து 4-வது இடத்தில் உள்ளார். அவரை முந்த ரோகித் சர்மாவுக்கு 17 ரன்களே தேவை. இன்றைய ஆட்டத்திலேயே அவர் கோலியை முந்தி அதிக ரன் எடுத்த இந்திய வீரர் என்ற சாதனையை படைப்பார். கப்திலையும் முந்தி அதிக ரன் எடுத்த வீரர் என்ற சாதனையையும் படைக்க ரோகித்சர்மாவுக்கு வாய்ப்பு ஏற்பட்டுள்ளது.